იყიდება ან იცვლება - საგარეჯოს რაიონის სოფ. პატარა ჩაილურში ეკოლოგიურად საუკეთესო ადგილას (მთის ძირი და მდინარის თხემი, ამასთან თან შიდა უბანი და თან კახეთის გზატკეცილთან ახლოს), იშვიათად კარგი, ყველანაირი ხეხილით სავსე ეზო (1700 კვ.მ) და ჭკვიანურად დაპროექტებული სახლი მაღალ ბელეტაჟზე (კიბე 9 საფეხურიანია). სახლის საცხოვრებელი სართული შედგება სამი ოთახის, თაღებიანი ლოჯის და დიდი და პატარა აივნისგან). ოთახების ქვემოთ სარდაფებია, გვერდზე კი მიდგმული აქვს მოჩარდახული მარანი, რომლის სახურავიც აივნის მოვალეობასაც ასრულებს და საწნახელის თავსაც ითავსებს. მარნისა და სარდაფების გარეშე საცხოვრებელი ფართი, ლოჯისა და აივნების ჩათვლით არის 150 კვ.მ. სახლი კაპიტალურია და ისეა აშენებული, რომ ზემოდან უპრობლემოდ დაიშენებს მანსარდას ან სართულებს. სამწუხაროდ სახლი 6 წელია დაკეტილია, ამდენად საჭიროებს რემონტს, თუმცა კარგად დალაგების შემდეგ, საცხოვრებლად ამჟამადაც ვარგისია. სახლში ეზოსა და სარდაფში ჯერ კიდევ ხელუხლებელია ბევრი რკინის და მეურნეობაში გამოსადეგი ნივთი, ასევე ხის ძველებური ავეჯი და ღვინის დასაყენებლად საჭირო ჭურჭელი. მარანში არის ორიგინალური საწნახელი, სამი ქვევრი და ა.შ. ეზოში დგას 200 წლიანი კაკლის ხე, რომელიც ჩინებულ ჩრდილსა და კლიმატს ქმნის, სურვილის შემთხვევაში კი შეიძლება გამოდგეს უნიკალური და ძვირფასი ავეჯის შესაქმნელად. ეზოში არის მთიდან მომდინარე უწყვეტი, დასალევი წყაროს კაპიტალური ჭა, რომელიც საცურაო აუზის მოსაწყობადაც გამოდგება, სარწყავადაც და კომფორტის შესაქმნელეადაც. ეზო იძლვა იმის შესაძლებლობასაც, რომ სურვილის შემთხვევაში აშენდეს სრულიად ახალი შენობაც და არსებულიც შესაძლოა გადაკეთდეს თანამედროვე ევროპულ ვილად, მინიმალური დანახარჯით (ორივე პროექტს თავად გაგაცნობთ). ეზოში შესაძლებელია შინაური საქონლისა და ფრინველის სადგომების გამართვაც, ისე, რომ მათ არ დაარღვიონ მყუდროება და კომფორტი. დიდი პლიუსია ისიც, რომ უბნამდე მიდის სპეციალური სამარშრუტო ტაქსი (კაკაბეთის), რომელიც დღეში რამოდენიმეჯერ გადის სამგორის მეტროს მიმდებარე ტერიტორიიდან და პირიქით. ამასთან ვინაიდან სახლი კახეთის გზატკეცილთან ყველაზე ახლოს მდებარე უბამშია შესაძლოა ისნის მეტროს მიმდებარე გაჩერებიდან დღის ნებისმიერ მონაკვეთში მგზავრობა და ასევე პირიქითაც. მგზავრობის დროა 1 სთ-დან - 1,50 ს-მდე. ამასთან ტრასაზე მოძრაობენ შიდა კახეთის ტაქსები, რომლებიც გზად აყვანილ მგზავრებს სამარშრუტოს ტაქსების ფასად ემსახურებიან. ამდენად, მოსახერხებელია ყოველდღიურად მგზავრობა იმ თბილისში მომუშავეთათვისაც, ვისაც მანქანა არ აქვს. ფასი შეთანხმებით. სასმელი წყლით ბუნებრივი აირი სათავსო აივანი გარაჟი სარდაფი